کەشناسی: ئاسمان لەنێوان ساماڵ و نیمچەهەور دەبێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی کەشناسی و بوومەلەرزەزانی هەرێمی کوردستان، کەشی پێشبینیکراوی48 کاتژمێری داهاتووی بڵاوکردەوە.

ئەمڕۆ دووشەممە 10ی شوبات، ئاسمان لەنێوان ساماڵ و نیمچەهەور دەبێت، پلەکانی گەرما بەگشتی نزیک دەبێتەوە لە تۆمارکراوەکانی دوێنێ، تەنها ناوچەشاخاوییەکان نەبێت بە دوو بۆ سێ پلە نزم دەبنەوە.

سبەی سێشەممە11ی شوبات، ئاسمان لەنێوان هەور و نیمچەهەور دەبێت، لەکاتەکانی بەیانی ئەگەری کەمێک دابارینی نمە باران و بەفر هەیە لەناوچەکانی رۆژئاوای هەرێم پاشان کاریگەری درێژ دەبێتەوە تاکوو کاتەکانی شەو بۆ ناوچە شاخاوییە سنووریەکان، زیاتر ناوچەکانی بادینان بەشێوەی نمە باران و برێکی کەم لەبەفر، پلەکانی گەرما نزیک دەبنەوە لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر : 12پلەى سیلیزى

سلێمانی :8 پلەى سیلیزى

دهۆک : 11پلەى سیلیزى

کەرکوک : 12پلەى سیلیزى

هەڵەبجە : 9پلەى سیلیزى

سۆران: 7پلەى سیلیزى

حاجی ئۆمەران:-7 پلەى سیلیزى

زاخۆ : 12پلەى سیلیزى

گەرمیان : 14پلەى سیلیزى