پۆڵه‌تیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سۆران عومه‌ر ئه‌ندامى په‌رله‌مانى عێراق ده‌ڵێت، دوێنێ له كۆبوونه‌وه‌ى نێوان شاندى هه‌رێم و حكومه‌تى فیدراڵ گرژى دروستبووه و هۆكاره‌كه‌ى په‌یوه‌ندى به بابه‌تى ته‌وتین و لقه‌كانى بانكى ره‌شید و رافیده‌ین و راده‌ستكردنى داهات بووه.
سۆران عومه‌ر ئه‌ندامى په‌رله‌مانى عێراق، به پۆڵه‌تیك پرێسى راگه‌یاند: ئه‌وه‌نده‌ى من بزانم گرژییه‌كانى دوێنێى كۆبوونه‌وه‌ى شاندى هه‌رێم و حكومه‌تى فیدراڵ له‌سه‌ر بابه‌تى ته‌وتین و لقه‌كانى بانكى ره‌شید و رافیده‌ین بووه كه هه‌رێم پێى خۆش نییه بێنه‌وه.
سۆران عومه‌ر وتى: ئیراده‌ى رێككه‌وتن هه‌بێت و ته‌وتین بكرێت و داهات راده‌ست بكرێت و لیستى مووچه پاكبكرێته‌وه ئه‌وه رێككه‌وتنه.
وتیشى: عێراق ده‌ڵێت مووچه‌ى مانگى 12 م ناردووه، 441 ملیار دینارم ناردووه و هه‌ر ئه‌وه‌نده‌تان ماوه‌ته‌وه، بۆ مووچه‌ى مانگى یه‌ك ئه‌بێت رێككه‌وتن بۆ كۆى ساڵه‌كه بكرێت، ئومێد ئه‌كه‌م رێككه‌وتن بكرێت، ئه‌م كۆبوونه‌وانه بۆئه‌وه‌یه رێككه‌وتن بكرێت، له‌سه‌ر مووچه‌ى خانه‌نشینى كێشه‌ى زۆر هه‌بووه و ئه‌بێت ده‌ستكارى لیسته‌كان بكرێته‌وه، چونكه عێراق ئه‌ڵێت ئه‌بێت به‌جۆرێك یاساكه جێبه‌جێبكرێت و هه‌رێم به جۆرێكى دیكه جێبه‌جێى كردووه، لیسته‌كانیان چاككردووه و ئه‌مڕۆ كه دانیشتوون به‌ڵكو بگه‌نه ئه‌نجامى كۆتایى.
رونیشیكرده‌وه، ئه‌گه‌ر دۆخه‌كه‌مان باش بووایه‌ت مامۆستا مانى له خواردن نه‌ئه‌گرت بۆ مووچه كه‌سیش ئاوڕیان لێنه‌داته‌وه له به‌پرسانى ئه‌م حكومه‌ته.
قەیوان گروپ
مایۆرکا سیتی جوانییەک لە دڵی سروشتدا
