پۆڵەتیك پرێس
ئەندامێكی پەرلەمانی كوردستان ئاشكرایكرد، لە خاڵە سنورییەكانی ئیبراهیم خەلیل و حاجی ئۆمەران چەند كۆمپانیایەك بەچەندین ناو و كاری جیاوازەوە بڕە پارەیەكی زۆر لە هاوڵاتیان وەردەگرن.
عەلی حەمە ساڵح پەرلەمانتاری كوردستان رایگەیاند، خاڵە سنورییەكان ناوەندێكی گەورەی قاچاخی و گەندەڵی و فێڵكردنن و زیاتر لە ساڵێكە بە وردی كاری لەسەر سەرجەم خاڵە سنورییەكانی هەرێم كردووە.
ئەوەشدەخاتەڕوو، لە بەدواداچوونەكانیدا بۆی دەركەوتووە لە هەردوو خاڵی سنووری ئیبراهیم خەلیل و حاجی ئۆمەران ژمارەیەك كۆمپانیا، بە قۆرخكاری و بەناڕوا مانگانە دەیان ملیۆن دۆلار لە هاوڵاتیان وەردەگرن.
باس لەوەشدەكات، چەندین كۆمپانیا هەن بەناوی دڵنیایی و كاری مەنەفێست و سكانەرو چەندین شتی دیكەوە بەبێ ئەوەی هیچ كارێك بكەن، بەڵام بڕە پارەیەكی زۆر لە خەڵكی وەردەگرن.
دەشڵێت، “حكومەت بڕیاریداوە لێپرسینەوە بكات، ئەوانیش وەك پەرلەمان چاودێری كارەكانیان دەكەن”.