پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وتهبێژی یهكێتیی نیشتمانیی كوردستان ئاشکرایکرد،” كۆبوونهوهكانی لیژنهی هاوبهشی یهكێتی و پارتی بۆ پێكهێنانی حكومهتی نوێی ههرێم بهردهوامی ههیه و تائێستا لهنێوان یهكێتی و پارتی دا باس لهدابهشكردنی پۆسته حكومییهكان نهكراوه، بهڵام یهكێتی تهئكید دهكاتهوه كه پێویسته كهسی شیاو بۆ پۆستهكان دیاریی بكرێن لهپێناو خزمهتی خهڵك”.
سهعدی ئهحمهد پیره، وتهبێژی یهكێتیی نیشتمانیی كوردستان راگهیاند:” لهئێستادا كۆبوونهوهی لیژنهكانی یهكێتی و پارتی بۆ پێكهێنانی حكومهتی داهاتووی ههرێم بهردهوامهو كاره هونهرییهكان جێبهجێدهكهن، كه تایبهته به بهرپرسیارێتییهكان و شێوه و سیاسیهتی پێكهوه كاركردن لهگهڵ ئهو پرسانهی كه دهبێت كاری لهپێشینهی كابینهی نوێی حكومهتی ههرێم بێت، دوای تهواوكردنی ئهو ئهركهش ئهو كات باس له دابهشكردنی پۆستهكان دهكرێت، بۆیه تاوهكو ئێستا گفتوگۆ لهسهر پۆستهكان لهنێوان یهكێتی و پارتی نهكراوه “.
ئاماژەی بەوەکرد،” راسته كات گرنگه بۆ پێكهێنانی حكومهتی نوێ، بهڵام گرنتر لهوهش ئهوهیه حكومهتێكی سهقامگیر پێكبهێنرێت كه ببێته ئارامی خۆشگوزهرانكردنی بۆ خهڵكی ههرێمی كوردستان”.
جەختیکردەوە،” خهڵكی كوردستان چیتر ئارام ناگرن لهسهر دابینكردنی پێداویستییهكانیان و پێویسته لهكابینهی داهاتوودا كهسی شیاو له شوێنی شیاو دابنرێت، بۆئهوهی بهههموو لایهك بتوانین خزمهتی زیاتر پێشكهش بهخهڵك بكهین”.