مالکی: چارەنووسی سووریا رووبەڕووی ئیمارات، میسڕ و سعودیەش دەبێتەوە

پۆڵەتیک پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نوری مالکی، سەرۆکی هاوپەیمانیی دەوڵەتی یاسا رایگەیاند، ئەوەی لە سووریا روویداوە کتوپڕ نەبووە بەڵکو پێشبینەی زۆری هەبووە، دەشڵێت هەمان چارەنووسی بەشار ئەسەد چاوەڕێی ئیمارات، میسڕ و سعودیە دەکات.

مالکی لە چاوپێکەوتنێکیدا لەگەڵ ئاژانسی هەواڵیی عێراقی رایگەیاند، “دۆزی فەڵەستین لەمەودوا لاواز دەبێت و کاریگەرییەکانی رووخانی بەشار ئەسەد دەپەڕنەوە بۆ ئوردن و مەترسیی لەسەر ئەو وڵاتە درووست دەبێت. هەژموونی تورکیا لە ناوچەکە فراوان دەبێت و رەشەباکە دەگاتە ئیمارات و میسڕ و سعوودیەش.

نوری مالکی ئاماژەی بەوەشدا، ئەوان بە تەواوی دژی ”دابەشکردنی سووریا”ن و رەتیکردەوە دەستوەردان لە کاروباری ناوخۆی ئەو وڵاتەدا بکەن.

لەبەشێکی دیکەی قسەکانیدا مالکی ئاماژەی بەوەدا، ئماژەی بەوەشکرد، “حزبی قەدەغەکراوی بەعس لە درووستکردنی فیتنە و پیلانگێڕیدایە و دەبێت کۆمەڵگا و ئاسایش بەدوایاندا بگەڕێن، یەکێتیی نەتەوەیی و عەقڵانییەتی هێزە سیاسییەکان دەبێتە بەربەستێکی بەهێز بۆ پاراستنی پرۆسەی سیاسی لە عێراق.”