پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی گشتی هاتووچۆی هەرێمی کوردستان داوا لە هاووڵاتییان دەکات، خۆیان لە کڕینی ئۆتۆمبێلی بێ سەرەتا و بڕاوە بەدوور بگرن.
بەڕێوەبەرایەتی گشتی هاتووچۆی هەرێمی کوردستان بڵاوی کردەوە، لە هەندێ کەناڵی میدیایی و پلاتفۆرمەکانی سۆسیال میدیا دەنگۆی تۆمارکردن و کۆدکردنی ئۆتۆمبێلی بێ سەرەتا و بڕاوە بەرامبەر بڕێک ڕسومات بڵاو دەکرێتەوە، هەموو ئەو دەنگۆیانە دوورن لە ڕاستی.
بەڕێوەبەرایەتی گشتی هاتووچۆی هەرێمی کوردستان دەڵێت: داوا دەکەین هاووڵاتیان خۆیان دوور بگرن لە کڕینی ئەو جۆرە ئۆتۆمبێلانە کە مەرجەکانی سەلامەتیان تێدا نیە و دەنگۆی تۆمارکردن و کۆدکردنیان ناڕاستە و پێچەوانەی یاسا و ڕێنمایی بەرکارە.
پێشتریش لیژنەی ئەمنی پارێزگای سلێمانی، رایگەیاند، لە یەکێک لە کەناڵەکانی راگەیاندن ھەواڵێکی ناراست و چەواشەکاری بڵاوکراوەتەوە دەربارەی ئۆتۆمبێلە بێسەرەتاکان و تیایدا ھاتووە کە دوای سەری ساڵ و بە بڕیاری وەزارەتی ناوخۆی حکومەتی ھەرێمی کوردستان ئۆتۆمبێلە بێسەرەتاکان بەرامبەر بە بڕی ملیۆن و نیوێک تۆمار دەکرێن، ئێمە وەک لیژنەی ئەمنی سلێمانی ئەم ھەواڵە سەرلەبەری ڕەت دەکەینەوە و بەڕاشکاوی ڕایدەگەیەنین کە ئەم ھەواڵە دوورە لە راستییەوە.
قەیوان گروپ
مایۆرکا سیتی جوانییەک لە دڵی سروشتدا
