توركیا گه‌شتی ده‌ره‌وه‌ی وڵات له‌ئه‌حمه‌د تورك قه‌ده‌غه‌ ده‌كات

ئەم بابەتە 33 جار بینراوە

پۆڵه‌تیك پرێس:
هاوسەرۆکی شارەوانی مێردین، سزای “قەدەغەی چوونە دەرەوەی وڵات”ی بەسەردا سەپێنرا.

لە چوارچێوەی ئۆپەراسیۆنەکانی دەستگیرکردنی ئەندامانی هەدەپە، دەوڵەتی تورکیا بڕیاری قه‌ده‌غه‌ی گه‌شتكردنی بەسەر ئەحمەد تورک، هاوسەرۆکی شارەوانی مێردین کە پۆستەکەی لەلایەن دەوڵەتەوە لێسەندراوەتەوە سەپاند.

ئۆپه‌راسیۆنه‌كانی تورکیا بە بڕیاری داواکاری گشتی ئەنقەرە دەستی پێکردووە، بە مەبەستی لێپرسینەوە و وەرگرتنی وتە، ئه‌حمه‌د توركی بانگهێشتی دادگای مێردین كرد.

ئەحمەد تورک له‌ڕێگه‌ی ئۆنڵاینه‌وه‌ وتەکەی وەرگیرا، لە بارەی بڵاوکردنەوەی بابەت و نووسین لە ناو تۆڕە کۆمەڵایەتیەکاندا، و بەشداریکردن لەو شاندەی چووبووە کۆبانێ، پرسیاری لێکرا.

تورک وتی، “ئەو تۆمه‌تانه‌ی ئاڕاستەم کراون، رەتدەکەمەوە و لیژنەی دادوەرانیش بە مەرجی قەدەغەی چوونەدەرەوە لە وڵات، ئەحمەد تورکیان ئازاد کرد”.

پەخشی راستەوخۆی رادیۆ پۆلەتیک