پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
سەرۆک وەزیرانی عێراق لەبارەی بەڕێوەچوونی پرۆسەی سەرژمێری پیرۆزبایی لە دانیشتووانی عێراق و هەرێمی کوردستان کرد، هاوکات ڕۆڵی وەزارەتەکانی پلاندانانی عێراق و هەرێمی کوردستانی لە سەرخستنی پرۆسەکە بەرز نرخاند و سوپاسیشی کردن.
رۆژی چوارشەممە 20ی تشرینی دووەمی 2024، محەمەد شیاع سودانی، سەرۆک وەزیرانی عێراق، سەردانی وەزارەتی پلاندانانی عێراقی کرد و لە نزیکەوە چاودێریی بەڕێوەچوونی پرۆسەی سەرژمێریی دانیشتووانی کرد.
سەرۆک وەزیرانی عێراق، پیرۆزبایی ڕۆژی سەرژمێری لە دانیشتووانی عێراق و هەرێمی کوردستان کرد، هەروەها سوپاسی وەزارەتەکانی پلاندانانی عێراق و هەرێمی کرد و ڕۆڵیانی لە سەرخستنی پرۆسەکە بەرز نرخاند.
دووپاتی کردەوە “ئەم ڕۆژە عێراقێکی نوێ بنیات دەنێت، لەسەر بنەمای شیکاری و داتای ورد، کە یارمەتیدەر دەبێت بۆ بەرنامەی گەشەپێدانی ئابووریی و خزمەتگوزاری وڵات.”
هاوکات،جەختی لەوە کردەوە، پرۆسەی سەرژمێری پرۆژەیەکی نیشتمانییە بۆ مەبەستی گەشەپێدانە نەوەک مەزهەبی.
سودانی پێزانینی خۆشی بۆ بەشداری کارای هاووڵاتییان لە پرۆسەکە دەربڕی.