پڕۆژەیەكی ڕاكێشانی بۆریی ئاوی خواردنەوە لە گەرمیان جێبەجێ دەکرێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی شارەوانی و گەشتوگوزار ڕایگەیاند، 389 ملیۆن دینار بۆ جێبەجێکردنی پڕۆژیەکی گەرمیان تەرخانکرا.

ئەمڕۆ یەکشەممە10ی تشرینی دووەم، وەزارەتی شارەوانی و گەشتوگوزار بڵاویکردەوە،” لەسەر بودجەی وەبەرهێنانی وەزارەتی شارەوانی و گەشتوگوزار، پڕۆژەیەكی ڕاكێشانی بۆریی ئاوی خواردنەوە لە گوندی چیا سورخەوە بۆ گوندەكانی شێخ فەیزوڵڵا و بەردی عەلی سەروو و خواروو جێبەجێ دەكرێت”.

ئاماژەی بەوەکرد، گوژمەی پڕۆژەكە 389,000,000 دینارە و لەسەر بودجەی وەزارەتی شارەوانی و گەشتوگوزار دابینكراوە.

ڕوونیکردەوە، ئەو پڕۆژەیە لە ڕێككەوتی 25/9/2024 دەستیپێكردووە و ماوەی جێبەجێكردنی 150 ڕۆژی تەقویمی بۆ دیاریكراوە و تاوەكوو ئێستا (47%)ی كارەكانی تەواوكراوە.