پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بازرگانێکی بیانیی ماددە هۆشبەرەکان دەستگیر کرا و بڕی (11) کیلۆگرام ماددەی هۆشبەر لە جۆری (کۆکایین) دەستی بەسەردا گیرا.
ئەمڕۆ یەکشەممە، 10-11-2024، بەڕێوەبەرایەتیی نەهێشتنی ماددە هۆشبەرەکان لە ڕاگەیەندراوێکدا ئاشکرای کرد، دوای وەرگرتنی بڕیاری دادوەری لێکۆڵینەوەی ئاسایش و کۆکردنەوەی زانیاری دروست، لە ئەنجامی پرۆسەیەکی بەدواداچوونی چەند هەفتەیی، لە چالاکییەکدا تیمی بەدواداچوونی بەڕێوەبەرایەتییەکەمان، لە بەرواری 08-11-2024، لەناو شاری هەولێر توانیان بڕی (11) کیلۆگرام ماددەی هۆشبەر لە جۆری (کۆکایین) دەست بەسەردا بگرن.
بە گوێرەی ڕاگەیەندراوەکە، ئەو بڕەی ماددەی هۆشبەر، لە وڵاتی غینیاوە بۆ هەرێمی کوردستان هێنرابوو و لەم چالاکییەدا بازرگانێکی بیانی دەستگیر کرا کە چەند ساڵە لەم جۆرە بازرگانییە گلاوە.
تۆمەتبار، وەکو ئەوەی ئاماژەی پێ دراوە، پەڕاوی لێکۆڵینەوەی بۆ کراوەتەوە و بەپێی یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان مامەڵەی لەگەڵدا دەکرێت.
قەیوان گروپ
مایۆرکا سیتی جوانییەک لە دڵی سروشتدا
