بایدن و ترەمپ کۆدەبنەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

رۆژی چوارشەممەی داهاتوو، 13ـی تشرینی دووەمی 2024، دۆناڵد ترەمپ، سەرۆکی هەڵبژێردراوی ئەمریکا و جۆ بایدن، سەرۆکی ئەمریکا لە کۆشکی سپی کۆدەبنەوە.

کارین جان پیێر، وتەبێژی رۆژنامەوانیی کۆشکی سپی رایگەیاند، لەسەر بانگهێشتی “سەرۆک بایدن، دۆناڵد ترەمپ سەرۆکی هەڵبژێردراوی ئەمریکا لەگەڵ جۆ بایدن، سەرۆکی ئەمریکا، رۆژی چوارشەممە لە ئۆفیسی ئۆڤاڵ لە کۆشکی سپی کۆدەبنەوە”.

دۆناڵد ترەمپ، سەرۆکی هەڵبژێردراوی ئەمریکا، توانی وەکو بەربژێری کۆمارییەکان هەڵبژاردنی سەرۆکایەتیی ئەمریکا بباتەوە، کە لە 5ـی تشرینی دووەمی ئەمساڵدا بەڕێوەچوو، بە پێچەوانەی هەڵبژاردنی رابردووەوە کە ترەمپ شکستی تێدا هێنا و هەرگیز دانی بە شکستەکەیدا نەنا، دیموکراتەکان دانیان بە شکستی خۆیاندا ناوە.

جۆ بایدنی سەرۆک و کامالا هاریسی جێگری، کە هاوکات بەربژێری سەرنەکەوتووی دیموکراتەکان بوو، بەڵێنی دەستاودەستکردنێکی بێکێشە و دیموکراتییانەی دەسەڵاتیان بۆ ترەمپ دووپاتکردووەتەوە.