بەتۆمەتی دزینی سەرەمەنهۆڵ تۆمەتبارێک دەستگیرکرا

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی پۆلیسی ڕاپەڕین ڕایگەیاند، لە قەڵادزێ کەسێك بەتۆمەتی دزینی سەرەمەنهۆڵ دەستگیرکرا.

ئەمڕۆ شەممە9ی تشرینی دووەم، بەڕێوەبەرایەتی پۆلیسی ڕاپەڕین بڵاویکردەوە،” هێزەکانمان لە بنکەی پۆلیسی شارەوانی دوای بەدواداچوون و لێکۆڵینەوە لەسەر دیاردەی دزینی سەرەمەنهۆڵەکان تۆمەتبارێکیان لەکاتی دزینی سەرەمەنهۆڵەکان دەستگیرکرد، دوای لێکۆڵینەوە لەگەڵیدا لەبەردەم پۆلیسدا دانی ناوە بە تاوانەکەیدا”.

ئاماژەی بەوەکرد، لەکاتی دەستگیرکردنیدا، سێ سەرە مەنهۆڵی پێوە گیراوە و دەستیش گیراوە بەسەر ماتۆڕسکیلەکەیدا.

ڕوونیکردەوە، بە بڕیاری دادوەری لێکۆڵینەوە بەپێی ماددەی 444 لە یاسایی سزادانی عیراقی ڕاگیر کرا، دوای گرتنەبەری ڕێوشوێنی یاسایی دۆسیەکە هەواڵەی نوسینگەی نەهێشتنی تاوانی پشدەر کرا.