هەفتەی داهاتوو دابەشکردنی بەشەخۆراکی مانگانە دەستپێدەکات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی بازرگانی عێراق رایگەیاند، هەفتەی داهاتوو هەشتەم بەشەخۆراکی ئەمساڵ دابەش دەکرێت.

ئەمڕۆ شەممە9ی تشرینی دووەم، لاما هاشم موسەوی، بەڕێوەبەری گشتیی کۆمپانیای بازرگانیی خۆراک سەر بەوەزارەتی بازرگانی عێراق ئاشکرایکرد، هەفتەی داهاتوو دەست دەکەن بە دابەشکردنی هەشتەم بەشەخۆراکی ئەمساڵ بەسەر هاوڵاتیاندا.

ئاماژەی بەوەشکرد، لەپاڵ ماددە سەرەکییەکاندا، بەشەخۆراکی ئەمجارە نیسک، لەتکەنۆک، نۆک، ماش و فاسۆلیاش لەخۆدەگرێت.

ئەوەش لەکاتێکدایە، پێشتر وەزارەتی بازرگانیی عێراق رایگەیاند، بەشەخۆراکی ساڵێکی هاوڵاتیان کۆگاکراوە و هیچ مەترسییەک لەسەر ئاسایشی خۆراک بوونی نییە، هەروەها داوای لە هاوڵاتیان کرد، مانگانە لە وادەی خۆیدا سەردانی بریکارەکانی خۆراک بکەن بۆ وەرگرتنی پێکهاتەکانی بەشەخۆراک.