پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
نرخی مریشک لە سلێمانی رووی لە دابەزین کرد و کیلۆی بە 2500 دینارە.
هاوکار، مریشکفرۆش لە سلێمانی ئەمڕۆ دووشەممە بە پۆڵەتیک پرێسی وت، نرخی مریشک دابەزیووە و مریشکی گەورە کیلۆی بووە بە 2500 دینار.
لەبارەی هۆکاری دابەزینی نرخی مریشک ئەو فرۆشیارە ئەوەشی وت، ”بەهۆی نەڕۆشتنی مریشکی کێڵگە پەلەوەرییەکان بۆ ناوەڕاست و باشووری عێراق نرخەکەی لە ناوخۆ دابەزیووە و هاتنی وەرزی سەرماش خواستی لەسەر مریشک کەمکردووە و هاووڵاتییان زیاتر مریشکی سوور، ئومەهات و قەل و قاز دەکڕن.”
بەگوێرەی داتاکانی وەزارەتی کشتوکاڵ و سەرچاوەکانی ئاوی هەرێمی کوردستان، ساڵانە زیاتر لە 105 ملیۆن مریشک لە هەرێمی کوردستان گەورە دەکرێن کە دەکاتە نزیکەی 250 هەزار تۆن گۆشت، لە کاتێکدا پێداویستیی ساڵانەی گۆشتی مریشک لە لە ناوخۆدا 146 هەزار تۆنە و ئەوەی لە پێداویستیی ناوخۆ زیاد دەبێت، هەناردەی پارێزگاکانی عێراق دەکرێت.
قەیوان گروپ
مایۆرکا سیتی جوانییەک لە دڵی سروشتدا
