پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
بەڕێوەبەرایەتی گشتی کارەبای سلێمانی، نرخی کارەبای موەلیدەی بۆ مانگی تشرینی یەکەم دیاریکرد.
ئه‌مڕۆ دووشە‌ممه4ی تشرینی دووەم، بەڕێوەبەرایەتی گشتی کارەبای سلێمانی ڕایگەیاند،” لیژنەی دیاریكردنی نرخی موەلیدە ئه‌هلییه‌كان کۆبووەوە و به‌پێی نرخی سوته‌مه‌نی له بازاڕه‌كاندا نرخی هه‌ر كاتژمێرێك کارەبای موەلیدە بۆ یه‌ك ئه‌مپێر (43) دینارە، به‌مه‌ش نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له ناوشاری سلێمانی له‌نێوان 7000 بۆ 8000 دیناره”.
ئاماژەی بەوەکرد، بەو پێیەى موەلیدەکان لە نێوان 165 بۆ 185 کاتژمێر کاریان کردوە، به‌هۆی جیاوازی كارکردنیان نرخی ئه‌مپێرێك له گه‌ڕه‌كێك بۆ گه‌ڕه‌كێكی دیكه جیاواز ده‌بێت.
ڕوونیکردەوە، خشته‌ی كارپێكردنی موه‌لیده بۆ مانگی تشرینی دووەم بەمشێوەیە دەبێت، رۆژانە لەکاتژمێر 12ی نیوەڕۆ تا 1ی شەو کاردەکەن، کاتژمێر 1ی شەو دەکوژێتەوە تا6:30 ی بەیانی، کاتژمێر6:30٠ی بەیانی تا 8ی بەیانی کاردەکەن و کاتژمێر 8ی بەیانی تا 12ی نیوەڕۆ کارناکەن، رۆژانی هەینی و شەممە بەیانیان کارناکەن، لەبری بەیانی کاتژمێر 11ی پێشنیوەڕۆ کاردەکەن.
لیژنه‌ی دیاریكردنی نرخی موه‌لیده ئه‌هلییه‌كان، جه‌ختیان له‌وه‌كردوه‌ته‌وه، كه له‌كاتی كوژاندنه‌وه‌ی كاره‌بای نیشتیمانی نابێت كارپێكردنی موه‌لیده و پێدانی كاره‌با به‌هاوڵاتیان له 5 خوله‌ك زیاتر بخایه‌نێت، به‌پێچه‌وانه‌وه خاوه‌ن موه‌لیده‌كه سزاده‌درێت.
قەیوان گروپ
مایۆرکا سیتی جوانییەک لە دڵی سروشتدا
