لەکەلار بەهۆی ڕووداوێکی هاتووچۆوە شەش کەس برینداربوون

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەناو شاری کەلار و لە ترافیک لایتی ئەندازیاران بەهۆی ڕووداوێکی هاتووچۆوە شەش کەس برینداربوون.

هاتوچۆی گەرمیان بڵاویكردەوە:بەیانی ئەمڕۆ یەک شەمە مینی پاسێک و ئۆتۆمبێلێکی جۆری کیا سبۆرتاج لە ترافیک لایتی ئەندازیاران پێکیاندادا، بەهۆیەوە هەر دوو شۆفێرەکەو چوار سەرنشین لە ڕووداوەکەدا برینداربوون، چوار برینداریان لە ئۆتۆمبێلی جۆری کیا سبۆرتاج دابوون و دوو برینداریان لە مینی پاسەکە دابوون.

ئەوەشی خستەڕوو، هەر شەش بریندارەکە گواسترانەوە بۆ نەخۆشخانەی فریاکەوتنی شەهید هەژار و لێکۆڵینەوە لە ڕووداوەکە لەلایەن تیمی هاتوچۆوە دەستی پێکردووە بەمەبەستی زانینی هۆکار و چۆنیەتی ڕووداوەکە.