پۆڵەتیك پرێس:
بەشێك لەدانیشتوانی عەرەب و توركمانی كەركوك بە مەبەستی پشتیوانی بۆ حەشدی شەعبی، خۆپیشاندانێكیان لەبەردەم پارێزگای كەركوك ئەنجامدا.
خۆپیشاندانەكە، رۆژی شەممە ئەنجامدرا، كە خۆپیشاندەران بە بەرزكردنەوەی ئاڵای حەشدی شەعبی و عێراق، دروشمیان دەوتەوە.
لەو بارەیەوە عامر نوری بەڕێوبەری راگەیاندنی پۆلیسی كەركوك بۆ پۆلەتیك پرێس وتی: ژمارەییەك خۆپیشاندەران لەعەرەب و توركیا لەبەردەم پارێزگای كەركوك كۆبوونەوەو بەمەبەستی پشتیوانی لەحەشدی شەعبی، كە ژمارەیان 400 بۆ 500 كەس دەبوون.
بەرێوبەری راگەیاندنی پۆلیسی كەركوك وتیشی: هێزەكانی ئاسایش و پۆلیس لەناو خۆپیشاندانەكە بوون بۆ ئەوەی پارێزگاری بكرێت و هیچ گرژییەك ڕونەدات،
ئەمە لەكاتێكدایە، رۆژی شەممە ژمارەیەك لەلایەنگرانو چەكدارانی حەشدی شەعبی لەشاری بەغدا خۆپیشاندانیان ئەنجامداو چوونە سەر بارەگای لقی پێنجی پارتیو سوتاندیان.
ئەو شەپۆلی نارەزایەتی ئەندام و لایەنگرانی حەشی شەعبیو سوتاندنی بارەگای لقی 5ی پارتی، دوای لێدوانێكی ئەندامی مەكتەبی سیاسی پارتی دیموكراتی كوردستان هۆشیار زێباری بوو، كە رەخنەی توندی لەچەكدارانی حەشدی شەعبی گرتو بەتێكدەر ناوی بردن.