پۆڵه‌تیك پرێس
دوای رووداوه‌كانی 16ی ئۆكتۆبه‌ر لاهور شێخ جه‌نگی به‌رپرسی ئاژانسی پاراستن و زانیاریی/زانیاریی، به نوسراوی فه‌رمی داوای له حكومه‌تی هه‌رێم و دامه‌زراوه فه‌رمییه‌كانی هه‌رێمی كوردستان كرد لێكۆڵینه‌وه له ڕووداوه‌كان بكه‌ن و ڕاست و دروستی ڕووداوه‌كان و تۆمه‌تباران و خیانه‌تكاران بۆ خه‌ڵكی هه‌رێمی كوردستان ئاشكرا بكه‌ن، به‌ڵام تائێستا هیچ لیژنه‌یه‌ك پێكنه‌هێنراوه و هیچ لێكۆڵینه‌وه‌یه‌ك نه‌كراوه.
له‌و نووسراوه‌دا كه ئاراسته‌ی حكومه‌تی هه‌رێم و دامه‌زراوه فه‌رمییه‌كانی هه‌رێمی كوردستانی كردووه، لاهور شێخ جه‌نگی ڕه‌خنه ده‌گرێ و نیگه‌رانی خۆی ده‌رده‌برێ له‌وه‌ی كه بۆچی كه‌مته‌رخه‌میی ده‌كرێت و بۆچی لیژنه‌ی ده‌رخستنی ڕاستییه‌كان له باره‌ی 16ی ئۆكتۆبه‌ره‌وه ده‌ست به كاره‌كانی ناكات.
هه‌ر له نووسراوه‌كدا، پێشنیازی كردووه چاو له هیچ كه‌س و حزب و لایه‌ن و تۆمه‌تبارێك نه‌پۆشرێت و ئه‌نجامی لێكۆڵینه‌وه‌كان بۆ ڕای گشتی خه‌ڵكی كوردستان ئاشكرا بكرێت.
تا ئێستا لاهور شێخ جه‌نگی تاكه كه‌سه كه داوای كردووه لیژنه‌ی لێكۆڵینه‌وه بۆ ئه‌و ڕووداوانه پێكبهێنرێت.
قەیوان گروپ
مایۆرکا سیتی جوانییەک لە دڵی سروشتدا
