پۆڵەتیک پرێس
زیاد جەبار، سەرۆکی فراکسیۆنی یەکێتی لە پەرلەمانی کوردستان لە وەڵامی نوسینێکی ئومێد خۆشناو،پەرلەمانتاری پارتی دیموکراتی کوردستان دەڵێت ” ئاشکرایە 16ی ئۆکتۆبەر، دەرئەنجامی کورتبینی سەرکردایەتی کوردستانە لە پێشیانەوە مەسعود بارزانی”
زیاد جەبار، سەرۆکی فراکسیۆنی یەکێتی لە پەرلەمانی کوردستان لە تۆری کۆمەڵایەتی فەیسبوک نوسیویەتی “کام خیانەت، چۆن کاڵ فامیەک و کێ ملهوڕە؟ فەرمو کاک ئومێد دەستپێشخەری بکە”، ئاماژەی بەوەشکردوە “ئومێد خۆشناو سەرۆکی فراکسیۆنی پارتی لەپەرلەمانی کوردستان،لە نوسینێکیدا لەبارەی ڕووداوەکانی 16ی ئۆکتۆبەر جڵەوی زمان و فامە کەمەکەی خۆی بەرداوە و خۆی و حزبەکەی وەک سەرمەشقی کوردایەتی پیشاندەدات، وەک ئەوەی کورد ئاگای لە مێژووی حزبەکەی نەبێ کە پڕە لە ناپاکی!”
باسی لەوەشکردوە “ئاشکرایە 16ی ئۆکتۆبەر، دەرئەنجامی کورتبینی سەرکردایەتی کوردستانە لە پێشیانەوە مەسعود بارزانی، سەرۆکی پارتی دیموکراتی کوردستان، کە دەیگوت: “هێند حساب بۆ هیچ کەس ناکەین، چەند دەوڵەت لەپشتمانە، دواتر خۆ ناچەمێنین”،بەڵام شکا نەک چەما لەگەڵ خۆشی سەد ساڵ خەونی کوردی بردە دواوە.
نوسیویشیەتی، “بەر لە هەموشتێک ،سیاسەت و هەڵوێستی یەکێتی نیشتیمانی کوردستان لە مەڕ ڕووداوەکانی 16ئۆکتۆبەر زۆر ڕوون و ئاشکرایە بەر لە کۆنگرە و ئێستاش داوادەکەین لیژنەیەکی سەربەخۆ دروستبکرێت، لێکۆڵینەوە لە ڕووداوەکانی 16ی ئۆکتۆبەر و پێشینەی روداوەکان و دەرئەنجامەکانی بکات.
لە کۆتایی نوسراوەکەشیدا هاتوە “کە ماڵت لەرزۆک وەک تۆڕی لۆکز بو باشترە نەک بەرد وردەلمیش نەگریتە شورای بڵندی خەڵک، ئەگەر چی دەزانین مرۆڤێک و حزبێک شانازی بە خیانەتی 31ی ئابەوە بکات، دودڵنەبێت لە تەسلیمکردنی شەنگال، هەمو شتێکی لێدەوەشێتەوە”.