دیبەیتی نێوان ترەمپ و هاریس بەڕێوەدەچێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

یەكەمین دیبەیتی نێوان دۆناڵد ترەمپ كاندیدی كۆمارییەكان و كامالا هاریس كاندیدی دیموكراتەكان بۆ هەڵبژاردنی سەرۆكایەتی ئەمریكا لەشاری فیلادلفیا بەڕێوەدەچێت.

دیبەیتەكەی نێوان ترەمپ و هاریس لە كەناڵی ئەی بی سی نیوز لە سەعات نۆی شەو بەكاتی ئەمریكا و 4ی سەرلەبەیانی بەكاتی هەرێمی كوردستان لەناوەندی دەستووری نیشتمانی فیلادلفیا-ی ویلایەتی پێنسلڤانیا بەڕێوەدەچێت، كە یەكێكە لەو ویلایەتانەی ئەنجامی هەڵبژاردنی سەرۆكایەتی ئەمریكا یەكلادەكاتەوە و دەوترێت، دیبەیتەكەش كاریگەرییەكی بەرچاوی دەبێت لەسەر كێبڕكێكە.

بەپێی قسەی چاودێرانی سیاسی ،دیبەیتەكەی نێوان ترەمپ و هاریس یەكێكە لەدیبەیتە سەرۆكایەتییە گرنگ و چاوەڕوانكراوەكانی دەیەی رابردوو، چونكە بانگەشەی هەڵبژاردنی ئەو دوو كاندیدە جیاواز بووە و ئەوان لەو دیبەیتەدا بەرگری لە چوار ساڵی رابردوویان دەكەن.

بڕیاڕە رۆژی 5ی تشرینی دووەمی ئەمساڵ، هەڵبژاردنی سەرۆكایەتی ئەمریكا بەڕێوەبچێت و بۆ ئەو مەبەستەش دوو كەس كێبڕكێی بەدەستهێنانی كورسی سەرۆكایەتی دەكەن ئەوانیش، دۆناڵد ترەمپ سەرۆكی پێشووی ئەمریكا و  كاندیدی كۆمارییەكان، هەروەها كامالا هاریس جێگری جۆ بایدن سەرۆكی ئێستای ئەمریكا و كاندیدی دیموكراتەكان.