پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ئەندامێکی خولى پێنجەمى پەرلەمانى کوردستان رایگەیاند، داهاتى ناوخۆ لە هەرێمی کوردستان مانگانە لەنێوان 500 تا 600 ملیار دینارە و ئامادەیە ئەوە بسەلمێنێت.
عومەر گوڵپى، ئەندامى خولى پێنجەمى پەرلەمانى کوردستان رایگەیاند، داهاتى ناوخۆ لە هەرێمى کوردستان مانگانە لەنێوان 500 تاوەکو 600 ملیار دینارە، ئەگەر راست نییە با حکومەت سکاڵام لەسەر تۆماربکات و ئامادەم لەبەردەم دادگا گوتەکانم بسەلمێنم.
وتیشی، لەساڵى 2022 چوار سکاڵاى دژى حکومەتى هەرێمى کوردستان تۆمارکردووە، بەڵام دادگا دووانیانى رەتکردووەتەوە و ئەو سکاڵایانەى لەلایەن دادگاوە رەتکراونەتەوە، لەسەر نەبوونى پارە لەبانکەکان و خراپى رێگاوبانەکان بووە.
عومەر گوڵپی ئاماژەی بەوەشکرد، ئەو دوو سکاڵایەى لەلایەن دادگاوە وەرگیراوە، لەسەر دابیننەکردنى دەرمان بۆ سلێمانى و دابیننەکردنى پارە بۆ کۆمپانیاکانى پاکردنەوە بووە و هەردوو سکاڵاکە لە قۆناغى لێکۆڵینەوەدایە.
قەیوان گروپ
مایۆرکا سیتی جوانییەک لە دڵی سروشتدا
