وەزارەتی پێشمەرگە و هاوپەیمانان چه‌ند پرسێك تاوتوێده‌كه‌ن

پۆڵه‌تیك پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی پێشمەرگە رایگەیاند، دواین پێشهات و گۆرانکارییەکانی ناوچەکەو چۆنیەتی جێگیرکردن و ئەرکدارکردنی لیوای 20 ی هاوبەش لەناوچەی بۆشایی ئەمنی نێوان پێشمەرگە و سووپای عێراق، پڕۆسەی چاکسازی و بەردەوامیدان بەشەڕی دژی داعـ.ـش و بەردەوامی کاری هاوبەش، تەوەری سەرەکی گفتوگۆکانی نێوان سەرۆکی ئەرکان و کۆڵۆنێڵ راب برەندستێتر بوو.

رۆژى 5 ی ئەیلولی 2024 فەریق روکن عیسا عوزێر سەرۆکی ئەرکانی وەزارەتی پێشمەرگە لەدیوانی وەزارەت پێشوازی لە کۆڵۆنێڵ راب برەندستێتر فەرماندەی هێزەکانی هاوپەیمانان لە هەرێمی کوردستان و شاندێکی یاوەریکرد.

لەدیدارەکدا، لیوا روکن هۆشمەند حەیدەر جێگری سەرۆکی ئەرکان و لیوا حافز محمد سەرۆکایەتی ئەرکان ئامادەبوون بۆ برەودان بەزیاترکردنی هەماهەنگی نێوان هێزی پێشمەرگە و هێزەکانی هاوپەیمانی نێوودەوڵەتی.

راشیگەیاند، دواین پێشهات و گۆرانکارییەکانی ناوچەکە و چۆنیەتی جێگیرکردن و ئەرکدارکردنی لیوای 20 ی هاوبەش لەناوچەی بۆشایی ئەمنی نێوان پێشمەرگە و سووپای عێراق، پڕۆسەی چاکسازی و بەردەوامیدان بەشەری دژی داعـ.ـش و بەردەوامی کاری هاوبەش لەگەڵ هێزەکانی هاوپەیمانی نێوودەوڵەتی لەهەرێمی کوردستان خرایە بەرباس.

وتیشی، هەردوولا بەگرنگیەوە تیشکیان خستە سەر پەیوەندییەکانی نێوان هێزی پێشمەرگە و هاوپەیمانی نێودەوڵەتی بۆ بەئەنجام گەیاندنی بەرنامە و پلانی هاوبەش بۆ لەناوبردنی هزری توندڕەوی داعـ.ـش و گروپە تیرۆرستیەکان لەناوچەکە، هاوکات کۆڵۆنێڵ راب برەندستێتر خۆشحاڵی خۆی نیشاندا بە هەوڵ و هەنگاوەکانی وەزارەتی پێشمەرگە لەپڕۆسەی چاکسازی هێزەکان و ئاماژەی بەوەدا هەوڵەکانی هاوپەیمانان بەئاڕاستەی بەرەوپێشبردن و کارکردنی زیاتر بۆ پڕۆسەی چاکسازی لەوەزارەتی پێشمەرگە بەردەوام دەبێت.