کرێی بەستنی پێوەری ئاو کەمکرایەوە و لێخۆشبوونی بۆ دەکرێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی شارەوانی و گەشتوگوزار بڵاویکردەوە، لەبەر بەرژەوەندی گشتی و چارەسەرکردنی گرفتی پێوەری ئاو لێخۆش بوونی بۆ دەکرێت.

وەزارەتی شارەوانی و گەشتوگوزار ڕایگەیاند، کرێی بەستنی پێوەری ئاو لە 45 هەزار دینارەوە بۆ 20 هەزار دینار لە سەنتەری شارەکان کەمکرایەوە و لە قەزا و ناحیەکانیش 10 هەزار دینار لێخۆشبوونی بۆ دەکرێت.

ئاماژە بەوەشکراوە،لەمەودوا بۆ بەستنی پێوەری ئاو لە سەنتەری شارەکان بۆ هەر مانگێک تەنها 20 هەزار دینار وەردەگیرێت و لە قەزا و ناحیەکانیش تەنها 10 هەزار دینار وەردەگیرێت.

هاوکات، شوێنە بازرگانی و پیشەسازی و گەشتیاری و دوکانەکانیش دەتوانن لە بڕیارەکە سوودمەندبن.

وەزارەتی شارەوانی و گەشتوگوزار ئەوەشی خستەڕوو،لەبەر بەرژەوەندی گشتی و چارەسەرکردنی گرفتی پێوەری ئاو، ئەو بڕیارە دراوە.