تەندروستی سلێمانی لەبارەی کۆلێراوە هۆشداری دەدات

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوبەری تەندروستیی سلێمانی رایدەگەیێنێت، ژمارەیەک نەخۆش لە شارەکە خەوێندراون کە ئەگەری ئەوەیان هەیە نەخۆشیی کۆلێرایان هەبێت و داوا لە هاووڵاتیان دەکات خۆیان لە خواردنی سەوزە بپارێزن.

دکتۆر سەباح هەورامی، بەڕێوبەری تەندروستیی سلێمانی لە پەیامێکدا کە شەوی پێنجشەممە، 22ی ئابی 2024 بڵاویکردووەتەوە و رایگەیاندووە: چەند نەخۆشێک لە نەخۆشخانەکانن، گومانی کۆلێرایان لێدەکرێ و چاوەڕوانی ئەنجامەکانن.

سەباح هەورامی داوا لە هاووڵاتیان دەکات: “بەهیچ جۆرێك ئەو سەرچاوەی ئاوانە بەكارنەهێنن كە لەلایەن قایمقامیەتەوە رێگاپێنەدراوە و ئەم ماوەیە سەوزە نەخۆن.”

تەندروستیی سلێمانی پشکنینیان کردووە و تێیدا دەرکەوتووە کە “ئەو سەوزەیەی لە بازاڕەكان و ماركێتەكان هەیە زۆرینەیان بە ئاوی قورس ئاودراون و بۆ خواردن شیاونین.”

سەباح هەورامی دڵنیایی دەداتە هاووڵاتیان و دەڵێت: لە خزمەتی هاووڵاتییانداین و ئەم دۆخەش تێدەپەڕێنین.”