بایدن: رێککەوتنی ئاگربەست لە غەززە رێگری دەکات لە ھێرشی ئێران بۆ سەر ئیسرائیل

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

جۆ بایدن سەرۆکی ئەمریکا پێشبینی دەکات گەیشتن بە رێککەوتنی ئاگربەست لە غەززە رێگری بکات لە ھێرشی ئێران بۆ سەر ئیسرائیل.

جۆ بایدن سەرۆکی ئەمریکا لە وەڵامی پرسیارێکی رۆژنامەنوساندا رایگەیاند، پێشبینی دەکات گەیشتن بە رێککەوتنی ئاگربەست لەنێوان ئیسرائیل و حەماس ھانی ئێران بدات ھێرش نەکاتە سەر ئیسرائیل لەوەڵامی کوژرانی ئیسماعیل ھەنیە لە تاران کە ئەو وڵاتە ئیسرائیلی بە ئەنجامدانی تۆمەتبار کرد.

وتیشی، دانوستانەکان پێشتر ئەنجامیان نەبووە و ئاسان نەبوون، بەڵام ئێستا گەشبینە و ھەوڵەکانیان لەو بارەیەوە چڕکردوووەتەوە.

پێشتر ئاژانسی رۆیتەرز لەزاری سێ گەورە لێپرسراوی ئێرانەوە گواستیەوە، تاکە رێگا کە وەڵامی راستەخۆی ئێران بۆسەر ئیسرائیل بەھۆی کوژارانی ئیسماعیل ھەنییەوە دوابخات ئەوەیە، ئەم ھەفتەیە رێککەوتنی ئاگربەست بکرێت لە غەززە.

وتیشی، لە ئەگەری شکستی دانوستانەکان ئێران و ھاوپەیمانەکانی لەوانە حزبوڵای لوبنان ھێرشی راستەوخۆ دەکەنەسەر ئیسرائیل.