پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
وەزیری پێشمەرگە داوا لە ھاوپەیمانان دەکات، ھاوکاربن لە چارەسەرکردنی کێشەی ئەو لیوا و فەوجانەی بێبەشن لە ھاوکاری دارایی تا لە لە مانگەکانی ئایندەدا بەسەریاندا دابەش بکرێت.
وەزارەتی پێشمەرگە لە راگەیەندراوێکدا بڵاویکردەوە، بە سەرپەرشتی شۆڕش ئیسماعیل وەزیری پێشمەرگە، وەفدێکی وەزارەتەکە لەگەڵ کۆڵۆنێڵ راپ براندسێتەر لێپرسراوی نوێی تیمی راوێژکارانی سەربازیی ھاوپەیمانان لە ھەرێم و کۆڵۆنێڵ گاڤین رایس لێپرسراوی ئۆفیسی ھەماھەنگی ھاوکاری ئاسایش لە کونسوڵخانەی ئەمریکا لە ھەولێر کۆبوونەوە، بۆ تاوتوێکردنی پرسی چاکسازییەکانی وەزارەتی پێشمەرگە و یەکخستنەوەی ھێزەکان.
وەزیری پێشمەرگە لەکۆبوونەوەکەدا رایگەیاند، پرۆسەی چاکسازیی بەردەوامە و پێشینەی کارکردنیان بۆ یەکخستنەوە و رێکخستنەوەی ھێزەکانە بە ھاوکاری دڵسۆزان و ھاوپەیمانی نێودەوڵەتی، ھەوڵەکانیشان بەردەوامە لە پێناو درووستبوونی فیرقەی زیاتر و خێراترکردنی پرۆسەکە لە چوارچێوەی وەزارەتی پێشمەرگە.
لەبەشێکی تری کۆبوونەوەکەدا، کێشەی لیوای نۆی پیادە و ئەو فەوجانەی پێشمەرگە خرانە بەرباس، کە لە پێدانی ھاوکاری مانگانەی ھاوپەیمانان بێبەشبوون و وەزیری پێشمەرگە داوای لە وەفدی ھاوپەیمانان کرد، ھاوکاربن لە چارەسەرکردنی ئەو کێشەیە تاکو لە مانگەکانی ئایندەدا ئەو ھێزانەش سوودمەندبن لە ھاوکارییەکانی ھاوپەیمانان.
قەیوان گروپ
مایۆرکا سیتی جوانییەک لە دڵی سروشتدا
