پۆڵەتیك پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرمانگەی راگەیاندنی وزەی ئەمریکا رۆژی دووشەممە رایگەیاند، هەناردەی نەوتی عێراق بۆ ئەمریکا لە ماوەی مانگی تەممووزدا 6 ملیۆن بەرمیلی تێپەڕاندووە.
بەگوێرەی ئەو داتایانەی فەرمانگەکە بڵاویکردووەتەوە، عێراق لە مانگی تەممووزدا شەش ملیۆن و 967 هەزار بەرمیل نەوتی خاوی هەناردەی ویلایەتە یەکگرتووەکانی ئەمریکا کردووە، بە تێکڕا 169 هەزار بەرمیل لە رۆژێکدا.
بەراورد بە هەناردەکردنی مانگی حوزەیران، هەناردەی نەوتی عێراق بۆ ئەمریکا زیادیکردووە. وڵاتە عەرەبییەکە لەو مانگەدا 5 ملیۆن و 425 هەزار بەرمیلی بە ئەمریکا فرۆشتووە کە بە تێکڕا 136 هەزار بەرمیل نەوتی خاو بۆ هەر رۆژێک.
فەرمانگەی راگەیاندنی وزەی ئەمریکا ئاماژەی بەوەشکرد، عێراق لە ریزبەندی پێنجەمی لیستی هەناردەکارانی نەوت بۆ ئەمریکا دێت لە ماوەی مانگی رابردوودا، دوای کەنەدا، مەکسیک، سعودیە و کۆڵۆمبیا پلەی پێنجەمی بەدەستهێناوە.
قەیوان گروپ
مایۆرکا سیتی جوانییەک لە دڵی سروشتدا
