یەدەگی زێڕی عیراق لە زیادبووندایە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئەنجومەنی جیهانیی زێڕ لە ڕاپۆرتێكیدا رایگەیاند، یەدەگی زێڕی عیراق بەردەوام لە زیادبووندایە و لە ئێستاش عیراق خاوەنی زیاتر لە ١٤٨ تۆن زێرە.

ئەنجومەنی جیهانیی زێڕ ڕاشیگەیاند، عیراق لە ریزبەندی ئەو وڵاتانەی كە خاوەنی زۆرترین یەدەگی زێڕن پلەیەك هاتووەتە پێشەوە و لە ئێستا لە پلەی بیست و نۆیەمیندایە.

ئاماژەی بەوەشكردووە، عیراق لە ماوەی رابردوودا توانیویەتی یەدەگی زێڕەكەی لە ١٤٥ تۆن و ٧٠٠ كیلۆوە، بۆ ١٤٨ تۆن و ٣٠٠ كیلۆ بەرز بكاتەوە، ئەوەش نزیكەی لە سەدا دەی یەدەگەكانی تری ئەو وڵاتە پێك دەهێنێت.

هەر بە گوێرەی راپۆرتەكە، لەسەر ئاستی جیهان، ئەمریكا خاوەنی زۆرترین یەدەگی زێڕە كە بڕەكەی هەشت هەزار و ١٣٣ تۆنە، ئەڵمانیا بە سێ هەزار و سێسەد و پەنجاو یەك تۆن و ئیتاڵیا بە دوو هەزار و ٨١٤  تۆن، لە پلەكانی دووەم و سێیەمی ریزبەندییەكەن.