هاوکاری هاوپەیمانان بۆ پێشمەرگە دابەش دەکرێت

وەزارەتی پێشمەرگە ڕایگەیاند، سبەی پێنج شەممە دەست بەدابەشکردنی هاوکاری مانگی حەوت دەکرێت.

ئەمڕۆ چوارشەممە 7ی ئابی 2024، وەزارەتی پێشمەرگە لە راگەیەندراوێکدا بڵاویکردەوە، لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابیندەکرێت، سبەی پێنجشەممە 8ی ئابی 2024، دەست بەدابەشکردنی هاوکاری مانگی حەوت دەکرێت.

ئاماژەی بەوەشکردووە، ئەم برە پارەیە، لێرە بەدواوە وەک هاوکاری دەدرێت بە هێزی پێشمەرگە و هیچ پەیوەندیەکی بە مووچەوە نیە.

جێی ئاماژە پێدانە ئەو هاوکارییەی هاوپەیمانان بڕەکەی بۆ هەر پێشمەرگەیەک 432 هەزار دینار بوو، بەڵام ئەم مانگە کەمکراوەتەوە بۆ 386 هەزار دینار.