بۆ ساڵی نوێی خوێندن کتێبی تازە چاپکراوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەری پەروەردەی ناوەندی هەولێر ئاشکرای دەکات، بۆ ساڵی نوێی خوێندن، کتێبی تازە بۆ قوتابییان لە ناوەندەکانی خوێندن  چاپکراوە.

وه‌زاره‌تی په‌روه‌رده‌  چه‌ندین په‌رتووكی نوێ بۆ ساڵی خوێندن   2024-2025 بۆ سه‌رجه‌م  ناوه‌نده‌كانی خوێندن و گشت قۆناغه‌كان چاپ كردووه‌ و رۆژانه‌ به‌ میكانزمێكی خێرا له‌ رێگای كۆگاكانی په‌روه‌رده‌كان به‌سه‌ر ناوه‌نده‌كانی خوێندن دابه‌ش ده‌كرێن .

دلێر عەبدوڵڵا بەڕێوبەری پەروەردەی ناوەندیی هەولێر ئاماژەی بەوە کرد، بۆ ساڵی نوێی خوێندن دووسەد هەزار قوتابی ناویان لە ناوەندە پەروەردەیەکانی هەولێر تۆمارکراوە و بە ژمارەی ئەوان کتێب چاپ کراوە، بۆ وەرزی یەکەمی خوێندن کتێبەکان ئامادەن و لەريگای کۆگاکانەوە دابەشی سەر قوتابخانەکان دەکرێت، کتێبەکانی وەرزی دووەمیش ئامادەن و لەکۆگاکان هەڵدەگیرێن بۆ ئەوەی هیچ بەربەستێک بۆ خوێندنی ئەمساڵ دروست نەبێت.