پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
فەرمانگەی ڕێكخراوە ناحكومییەكانی هەرێم، تۆمەتباركردنی بە دامەزراندنی ڕێكخراوێكی هاوڕەگەزبازی ڕەتدەكاتەوە و دەڵێت، ڕێوشوێنی یاسایی بەرامبەر ئەو كەس و لایەنانە دەگرنەبەر كە زانیاری ناڕاست و چەواشەكاری لەنێو هاووڵاتییاندا بڵاودەكەنەوە.
فەرمانگەی ڕێكخراوە ناحكومییەكان لە ڕوونكردنەوەیەكدا ئاماژەی بەوەداوە، لەچەند ڕۆژی ڕابردوودا، لەلایەن دەزگایەكی ڕاگەیاندنەوە و لە چەند هەواڵێكی چەواشەكاری و بێ بنەمادا، تۆمەتباركران بە دامەزراندنی ڕێكخراوێكی هاوڕەگەزبازی، كە هیچ كام لە هەواڵەكان ڕاست نین و ئامانج لێیان شێواندنی دەرونی هاووڵاتییانە و كۆكردنەوەی دەنگە بۆ لایەنێكی سیاسی دیاریكراوە.
ئەوەشی خستووەتەڕوو، وەك تیمی نوێی سەرۆكایەتی لە فەرمانگەی ڕێكخراوە ناحكومییەكان، سەرقاڵی داڕشتنی پلانێكی تۆكمەن كە لە ڕێگەیەوە ڕێكخراوەكان ئازادانە لەچوارچێوەی یاسا بەركارەكانی عێراق و هەرێم كاروچالاكی ئەنجامبدەن بۆ بوژانەوەی ژێرخان و سەرخانی هەرێم.
فەرمانگەی ڕێكخراوە ناحكومییەكان ڕاشیگەیاندووە، ڕێوشوێنی یاسایی دەگرنەبەر بەرامبەر ئەو كەس و لایەنانەی هەواڵی ناڕاست و چەواشەكاری بڵاودەكەنەوە.
قەیوان گروپ
مایۆرکا سیتی جوانییەک لە دڵی سروشتدا
