ژمارەی قوربانیان لە غەززە بەردەوامە لە بەرزبوونەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

وەزارەتی تەندروستی غەززە ئاشکرایکرد، ژمارەی قوربانیان لە کەرتی غەززە بەهۆی هێرشەکانی ئیسرائیلەوە بەردەوامە لە بەرزبوونەوە.

ئەمڕۆ شەممە6ی تەمموز، وەزارەتی تەندروستی غەززە ڕایگەیاند، بەهۆی هێرشەکانی ئیسرائیلەوە ژمارەی قوربانیان بەردەوامە لە بەرزبوونەوە و لە سەرەتای جەنگەوە تائێستا 38 هەزار و 98 کەس گیانیان لەدەستداوە و 87 هەزار و 705 کەسیش برینداربوون.

ئاماژەی بەوەکرد، تەنها لەماوەی 24 کاتژمێری ڕابردوودا بەهۆی هێرشەکانەوە 29 کەس گیانیان لەدەستداوە و 100 کەسی دیکەش برینداربوون.

ڕوونیکردەوە، بەهۆی ڕێگریکردن لە گەیشتنی تیمەکانی ئەمبولانس و بەرگری شارستانی، ژمارەیەک لە قوربانییان هێشتا لەژێر داروپەرد و ڕێگاکاندان.