پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
رۆژی پێنجشەممە، فەرماندەیی ئۆپەراسیۆنەکانی بەغدا دەستگیرکردنی دوو تیرۆریست و کەسێکی دیکەی راگەیاند کە تۆمەتبارە بە بازرگانیکردن بە ئەندامەکانی جەستەی مرۆڤ.
فەرماندەییەکە لە راگەیەندراوێکدا باسی لەوەکردووە، بە هاوبەشی لەگەڵ هێزەکانی گەڕان و پشکنین لە بەشی ئۆپەراسیۆن و پاش چڕکردنەوەی هەوڵە هەواڵگرییەکان، هێزێکی هاوبەش لەگەڵ پۆلیسی فیدراڵی، بەشی هەواڵگری و ئاسایشی فەرماندەیی ئۆپەراسیۆنەکانی بەغدا، توانیان ”تیرۆرستێکی داعش” لە ناوچەیەکی باشووری بەغدا دەستگیر بکەن.
بەگوێرەی راگەیەندراوەکە، ئەو کەسە بە ماددەی چواری تیرۆر دەستگیرکراوە و لێکۆڵینەوەکان لەبارەیەوە دەستیانپێکردووە.
لە چالاکییەکی دیکەی فەرماندەیی ئۆپراسیۆنەکانی بەغدا و بە هاوبەشی لەگەڵ یەکەیەکی هێزەکانی پۆلیسی فیدراڵی، تواندرا “تیرۆرستێکی دیکەی سەر بە شانە نوستووەکانی داعش لە بۆسەیەکدا و پاش چاودێریکردنی ورد دەستگیربکرێت”.
فەرماندەیی ئۆپراسیۆنەکانی بەغدا ئاماژە بەوەشدەدات، تۆمەتبارێکی دیکە لە نزیک ناوچەی کەرخ دەستگیرکراوە کە تۆمەتبارە بە بازرگانیکردن بە ئەندامەکانی جەستەی مرۆڤەوە.
قەیوان گروپ
مایۆرکا سیتی جوانییەک لە دڵی سروشتدا
