پۆڵەتیك پرێس
وەزارەتی دەرەوەی ئەمریكا نیگەرانی خۆی لە هەنگاوە نوێیەكانی توركیا لە دەریای ناوەڕاست دەربڕی.
وەزارەتی دەرەوەی ئەمریكا رایگەیاندووە، دەسپێكردنەوەی گەڕانی توركیا بەدوای سەرچاوە سروشتییەكان لە دەریای ناوەڕاست گفتوگۆ و دانوستانەكان لەبارەی چارەسەری كێشەی ئەو ناوچەیەوە ئاڵۆز دەكات.
ئاماژەی بەوەشكردووە، ئەو كارانەی توركیا كێشەو دڵەڕاوكێ زیاد دەكات و دەبێتە هۆی نانەوەی ئاژاوەو هەراسانكردنی دراوسێكانی.
نیگەرانی وەزارەتی دەرەوەی ئەمریكا دوای ئەوە دێت رۆژی 12ی ئەم مانگە هێزی دەریایی توركیا رایگەیاند، بڕیارە كەشتی ئوروچ رەیس دەست بەچالاكییەكانی بكاتەوەو بەدوای وزە و گازی سروشتی لە رۆژهەڵاتی ناوەڕاستدا بگەڕێت.
پێشتریش بەهۆی گەڕان و پشكنینەكانی توركیا بۆ سەرچاوە سروشتییەكان لە دەریای ناوەڕاست كێشەو ئاڵۆزی لە نێوان توركیا و یۆنان دروست بوو، هاوكات وڵاتانی زلهێز لەوانەش فەرەنسا دژی توركیا وەستانەوە، بەوهۆیەشەوە توركیا كارەكانی لەو ناوچەیە راگرت.
قەیوان گروپ
مایۆرکا سیتی جوانییەک لە دڵی سروشتدا
