دەستەی راوێژکاری ئیداری کەرکوک بە بڕیاری سودانی هەڵوەشایەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەبڕیاری سەرۆک وەزیرانی عێراق دەستەی ڕاوێژکاری ئیدارەی کەرکوک هەڵوەشێنرایەوە و پێداچونەوە بەکارو بڕیارەکانی شەش ساڵی ڕابردوی دەستەکەدا دەکرێت.

ئەمڕۆ سێ شەممە محه‌مه‌د شیاع سودانى سه‌رۆك وه‌زیرانى عێراق له‌ڕێگه‌ى نوسراوێكه‌وه‌، دەستەی ڕاوێژکاریی ئیدارەی کەرکوکی هەڵوەشاندەوە كه‌ له‌دواى ڕوداوه‌كانى 16ی ئۆکتۆبەره‌وه‌ لەلایەن ڕاكان جبورى پارێزگاری بەوەکالەتی کەرکوکه‌وه‌ پێکهێنرابوو.

لەنوسراوەکەدا سێ بڕیاری تێدایە، یەکەمیان هەڵوەشاندنەوەی دەستەکەو دوەمیان پێکهێنانی لیژنەیەکی لێکۆڵینەوە لەسەر بڕیارو واژۆکانی ئەو دەستەیەو سێیەمیان دورخستنەوەی سەرۆکی دەستەکە لەڕیزەکانی دەوڵەت.

لەسەر داوای وەزیری پلاندانی عێراق‌و بەپشتبەستن بەمادەی 34ی یاسای پارێزگاکان، مانگی ڕابردوو حکومەتی عێراق لیژنەیەکی تایبەتی سەبارەت بەدەستەی ڕاوێژکاری ئیدارەی کەرکوک پێکهێنابوو.

دەستەی ڕاوێژکارانی ئیدارەی کەرکوک، سەرپەرشتی دامەزراندن‌و دابەشکردنی زەوی‌و جێبەجێکردنی پڕۆژەکانی کەرکوکی دەکرد،سەرۆکەکەی بەکەسی دوەمی ئیدارەی کەرکوک دادەنراو کەسیی نزیک‌و باوەڕپێکراوی ڕاکان جبوری بوو.

قەیوان گروپ

 


مایۆرکا سیتی جوانییەک لە دڵی سروشتدا