لە پێنج مانگی ڕابردوودا زیاتر لە 400 ئاگر لە سنوری پارێزگای هەولێر كەوتوونەتەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

تەنها لە پێنج مانگی ڕابردوودا زیاتر لە 400 ئاگر لە سنوری پارێزگای هەولێر كەوتوونەتەوەو بەرگری شارستانی هەولێریش لە ڕاگەیەندراوێكدا ئاماژە بۆ ئەوەدەكات كە زۆرترین زیانەكان بەر كاسبكارانی بازاڕی لەنگە و قەیسەری كەوتوون.
بەپێی راگەیەندراوێكی بەرگری شارستانی هەولێر، لە ماوەی پێنج مانگی رابردوودا 407 رووداوی ئاگركەوتنەوە لە سنوری پاریزگای هەولێر روویانداوە، بەشێوەیەك لە مانگی كانوونی دووەم 80 حالەت و لەمانگی شوبات 91 حاڵەت و لەمانگی ئازاردا 91 حاڵەت و لەمانگی نیساندا 104 حاڵەت و لەمانگی ئایاردا 41 حاڵەت بوون.

لە ڕاگەیەندراوەكەدا هاتووە،  لەو ژمارەیە 156 ماڵ و 94 ئۆتۆمبێل سوتاون، هاوكات 23 حاڵەتی ئاگركەوتنەوە لە ماركێت و دوكان و شوێنە گشتییەكان روویانداوە، كە بەهۆیەوە نزیكەی 1000 دوكان سوتاون، كە زۆرترین زیانەكانیش بەر كاسبكارانی بازاڕی لەنگە و قەیسەری كەوتوون.

قەیوان گروپ

 


مایۆرکا سیتی جوانییەک لە دڵی سروشتدا