نەرویج گەشتکردن لە هاوڵاتییانی رووسیا قەدەغەدەکات و کرێملنیش دەڵێت بێ وەڵام تێناپەڕێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

نەرویج چیتر رێگە بە هاوڵاتییانی رووسیا نادات سەردانی وڵاتەکەی بکەن و رووسیاش دەڵێت وەڵاممان بۆ ئەو هەنگاوە “نەژداپەرستییە” دەبێت.

ئێمیلی ئێنگەر مێل، وەزیری داد و ئاسایشی گشتیی حكومەتی نەرویج رۆژی پێنجشەممە رایگەیاند، وڵاتەکەی بەنیازە لە رۆژی 29 ئایارەوە، دەرگای وڵاتەکەی بەڕووی گەشتیاران و هاوڵاتییانی رووسیا دابخات، بە وتەی خۆی بڕیارەکە “هاوئاهەنگیرە لەگەڵ هەڵوێستی نەرویج لە پاڵپشتییکردنی هاوپەیمان و هاوبەشەکەی لە شەڕی دژی ئۆکراینا”.

دەشڵێت: لەو بەروارە بەدواوە رێگە بە هیچ هاوڵاتییەکی رووسیا نادەین کە بەمەبەستی گەشتیاری یاخود بێ مەبەست بێتە وڵاتەکەمان، ئەو حاڵەتانەش لەبەرچاودەگرین ئەگەر هاوڵاتییەک بیەوێت سەردانی خزم و ناسیاوەکانی بکات لە نەرویج.

دیمتری پێسکۆڤ، وتەبێژی فەرمیی کۆشکی کرێملن لەبارەی بڕیارەکەوە هەڵوێستی رووسیای راگەیاند و ووتی: “ئەوە بڕیارێکی رەگەزپەرستانەیە و بەدڵنیاییەوە بێ وەڵام تێناپەڕێت، ئێمە دڵگرانین بەوەی کە حکومەتی نەرویج بڕیاریداوە پەیوەندییە دوولایەنەکەمان لەوەی زیاتر کە هەیە، خراپتر بکات”.

نەرویج هەر لە سەرەتای دەستپێکی جەنگی ئۆکراینا و هێرشی سوپای رووسیا بۆسەر ئەو وڵاتە لە شوباتی 2022، سانسۆری خستەسەر میکانیزمی پێدانی ڤیزە بە هاوڵاتییانی رووسیا، ئەمەش وەک پاڵپشتییەکی ئەو ئەندامەی ناتۆ لە ئۆکراینا لە شەڕی دژ بە رووسیا.

قەیوان گروپ

 


مایۆرکا سیتی جوانییەک لە دڵی سروشتدا