کەشناسی: پلەکانی گەرما نزم دەبنەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەڕێوەبەرایەتی کەشناسی و بوومەلەرزەزانی هەرێمی کوردستان، کەشی پێشبینیکراوی48 کاتژمێری داهاتووی بڵاوکردەوە.

ئەمڕۆ چوارشەممە 22ی ئایار، ئاسمان نیمچەهەور دەبێت هەندێک کات دەگۆڕێت بۆ هەوری تەواو، لە کاتەکانی نیوەرۆ لە ناوچە شاخاوییەکان ئەگەری باران بارین هەیە لەگەڵ هەورەتریشقە بەتایبەت لە ناوچە شاخاوییە سنووریەکان و لە ناوچەکانی تر ئەگەری بارینی نمە باران دەبێت، لە ئەنجامی زیادبوونی خێرایی با ئەگەری کەمێک تۆز و خۆڵ هەیە لە کەشدا، پلەکانی بەراورد بە تۆمارکراوەکانی دوێنێ بە دوو بۆ چوار پلە نزم دەبنەوە.

سبەی پێنجشەممە23ی ئایار، ئاسمان لە زۆربەی ناوچەکان نیمچەهەور دەبێت، لەکاتەکانی دوای نیوەڕۆ لە ناوچە شاخاوییەکانی پارێزگای دهۆک ئەگەری نمە بارانێکی کەم هەیە، پلەکانی گەرما نزیک دەبنەوە لە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی:

هەولێر : 31پلەى سیلیزى

سلێمانی :24 پلەى سیلیزى

دهۆک : 30پلەى سیلیزى

کەرکوک : 32پلەى سیلیزى

هەڵەبجە : 26پلەى سیلیزى

زاخۆ : 30پلەى سیلیزى

حاجی ئۆمەران: 15پلەى سیلیزى

سۆران : 30پلەى سیلیزى

گەرمیان : 37پلەى سیلیزى