پووتن گۆڕانکاری لە پۆستی وەزیری بەرگریی وڵاتەکەی دەکات

پۆڵەتیك پرێس:

لەتێلیگرام یەکەم کەسیت هەواڵەکانت پێدەگات جۆینبە https://t.me/Politicpress

پاش سوێندخواردنی یاسایی و دەستبەکاربوونەوەی وەک سەرۆکی رووسیا لە پێنجەمین خولی سەرۆکایەتییەکەیدا، سەرجەم وەزیرەکانی کابینەکەی پووتین ماوەی یاساییان تەواو بوو؛ لەو نێوەندەشدا وەزیری بەرگریی رووسیا لە پۆستەکەی لادرا و کەسایەتییەکی مەدەنی وڵاتەکە چووە شوێنەکەی.

بەگوێرەی بەیاننامەیەکی پەرلەمانی رووسیا، سێرگی شۆیگو، کە ماوەی زیاتر لە 12 ساڵ و لە ساڵی 2012ەوە لە پۆستی وەزیری بەرگریی رووسیادا مابووەوە، لە کۆتایدا بە بڕیاری ڤلادیمیر پووتین-ی سەرۆکی ئەو وڵاتە لە پۆستەکەی لادەبرێت و لە شوێنی ئەو، ئەندری بێلوسۆڤ، جێگری سەرۆکوەزیرانی ئەو وڵاتە دادەنرێت.

بێلوسۆڤ هیچ باگراواندێکی سەربازیی نییە و تەنها لە کەرتە مەدەنییەکانی حکومەتی رووسیا خزمەتی کردوووە.

دوورخستنەوەی شۆیگو بڕیارێکی چاوەڕواننەکراو بوو بۆ ناوخۆی رووسیا و رۆژئاوا، بەو پێیەی سێرگی شۆیگو بە کەسێکی نزیکی پووتین هەژمار دەکرێت.

بەگوێرەی بەیاننامەیەکی کۆشکی کرێمیلین، پۆستی نوێ بۆ سێرگی شۆیگو دیاریکراوە کە پۆستی سەرۆکی ئەنجوومەنی ئاسایشی رووسیایە.