پۆڵەتیك پرێس
سەرۆكی لیژنەی دارایی و ئابوری لە پەرلەمانی كوردستان ئاشكرایدەكات، حكومەت یەكەمین راپۆرتی پرۆژەیاسای چاكسازی ئامادەكردووە و بەمنزیكانە دەینێردرێتە پەرلەمان.
زیاد جەبار سەرۆكی لیژنەی دارایی و ئابوری لە پەرلەمانی كوردستان بە پۆڵەتیك پرێسی راگەیاند، هەر سێ مانگ جارێك حكومەت ڕاپۆرتێكی تایبەت بۆ جێبەجێكردنی یاسای چاكسازی دەنێرێتە پەرلەمانی كوردستان و ئێستاش حكومەت ڕاپۆرتێكی ئامادەكردووە و چاوەڕێن بگاتە پەرلەمان.
ئاماژەی بەوەشكرد، چاوەڕواندەكرێت لەم هەفتەیەدا ئەو ڕاپۆرتە بگاتە پەرلەمان و ئەوانیش چاودێریی وردی قۆناغەكانی جێبەجێكردنی دەكەن.
مانگی 7ی ئەمساڵ حكومەتی هەرێم پرۆژە یاسایی چاكسازی خستە بواری جێبەجێكردنەوەو بڕیاریش درا هەر سێ مانگ جارێك راپۆرتی جێبەجێكردنی یاساكە بنێرێت بۆ پەرلەمان.