لەبارەی بڕیارەکانی دادگای فیدڕاڵی پێکهاتەکان ڕاگەیەندراوێک بڵاودەکەنەوە

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

لەدوای بڕیاری دادگای فیدڕاڵی، پێکهاتەکانی هەرێم ڕاگەیەندراوێک بڵاودەکەنەوە و  دوادەکەن بۆ جێبەجێکرنی دەستور فشار بخرێتە سەر دەسەڵاتدارانی عێراق و دەڵێن،” لابردنی کورسی کۆتاکان بڕیارێکی ستەمکارانەیە”.

ئەمڕۆ چوارشەممە 28ی شوبات، ئانۆ جەوهەر، نوێنەری کریستیانەکان لە کۆنگرەیەکی ڕۆژنامەوانیدا ڕایگەیاند،” لەبارەی بڕیارەکەی دادگای فیدراڵی، کە ئاماژەی بەوەداوە بوونی کورسی کۆتاکان نادەستورییە لەپەرلەمانی کوردستان، هەروەها سەرجەم کورسییەکانی تورکمان، کلدان، ئاشور، سریان‌و ئەرمەنەکانی لابردووه‌”.

ئاماژەی بەوەکرد،” ئەو سکاڵایە لەلایەن یەکێتی نیشتیمانی کوردستان تۆمارکراوە، بۆیە ئەو بڕیارە بڕیارێکی ستەمکارانەیە، هەروەها تەقلیدیکی سیاسی کۆنە، لەساڵی 1992وە کە پەرلەمانی کوردستان دامەزراوە، مافی سیاسی پێکهاتەکان دابینکراوە، لەدوای ڕاپەڕینەوە هەوڵدراوە هەرێم ببێتە شوێنێکی ئارام بۆ پێکهاتەکان لەبەرامبەر ستەمکارییەکانی سەدام حوسێندا، پێشتریش هەولێر بووەتە ئامانجی هەڕەشەکانی داعش، بۆیە بەهەمووان هەوڵی لەناوبردنی داعش دراوە، هەروەها بڕیارەکانی دادگای فیدراڵی بڕیارێکی ستەمکارانەن”.

ئانۆ جه‌وهه‌ر، كه‌ وه‌زیرى گواستنه‌وه‌و گه‌یاندنى حكومه‌تى هه‌رێمیشه‌ ڕوونیکردەوە، ئەو بڕیارانە لەبەرژەوەندی لایەنێکی دیاریکراودایە، لەسەر حسابی هەموو پێکهاتەکان، ئەمەش هەنگاوێکی هەڕەشەیە بۆ عێراق، کە دەبێتە هۆی پێشێلکردنی مافی تورکمانەکان ‌و کریستییانەکان، ئەمەش هەوڵێکە بۆ گۆڕینی پەرلەمانی کوردستان لەفرەچەشنییەوە بۆ پەرلەمانێکی کوردی موسڵمان”.

جەختیکردەوە، “ئەو بڕیارەی دراوە بۆ وەلانانی کورسی کۆتاکان، نەفەسێکی کۆنە کە لەساڵانی ڕابردوش لەعێراقدا هەبوە، بۆیە ئێمە وەکو نوێنەری تورکمان‌و کریستیانەکان داوادەکەین فشاربخرێتەسەر دەسەڵاتدارانی عێراق تاوەکو دەستور جێبەجێبکەن‌و کودەتای لەسەر نەکرێت”.

بەپێى مادەى 36ی یاساى هەڵبژاردنى پەرلەمانى کوردستان، پێنج کورسی کۆتا بۆ کلدان، سریان‌و ئاشورییه‌كان تەرخانكراوه‌، لەگەڵ یەک کورسی بۆ پێکهاتەى ئەرمەن‌و پێنج کورسیش بۆ تورکمانەکان، ڕۆژی 22ی شوباتی 2024، دادگای فیدراڵی لە دانیشتنەکەیدا بڕیاری هەڵوەشاندنەوەی کورسی کۆتاکانی دا و ژمارەی کوردسییەکانی پەرلەمانی کوردستان لە 111 ەوە کەمکرایەوە بۆ 100 کورسی.

قەیوان گروپ

 


مایۆرکا سیتی جوانییەک لە دڵی سروشتدا