سبەی شەپۆلێکی بارانبارینی بەهێز ناوچەکانی هەرێم دەگرێتەوە و ماوەی سێ رۆژ بەردەوام دەبێت

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دەستەی کەشناسیی هەرێم رایگەیاند، لە سبەینێوە پلەکانی گەرما بەشێوەیەکی بەرچاو روو لە دابەزین دەکەن و بارانبارین لە سەنتەری شارەکان دەستپێدەکات.

کەشناسیی هەرێم رایگەیاند، ئەمڕۆ سێشەممە (13-2-2024)، ئاسمان نیمچەهەور دەبێت و لەکاتەکانی پاش نیوەڕۆ دەگۆڕێت بۆ هەوری تەواو، پلەکانی گەرما کەمێک بەرزتر دەبنەوە بەراورد بە دوێنێ رۆژی دووشەممە.

سەبارەت بەکەشی سبەی، کەشناسی رایگەیاند، سبەی چوارشەممە 14-2-2024، لە کاتەکانی بەیانی ئاسمان نیمچە هەور و هەوری تەواو دەبێت لە ئەنجامی کاریگەری شەپۆلێکی باران بارین لە دوایی نیوەرۆ بە شێوەی نمە باران سەرەتا لە سنوری پارێزگای دهۆک دەست پێ دەکات, رێژەی دابارین زیاد دەکات لە کاتەکانی شەودا دەگۆرێت بۆ بارانی مامناوەند وە هەندێ ناوچەش لێزمە باران و هەورە تریشقەشی لەگەڵدا دەبێت بە تایبەتی لە سنووری پارێزگای دهۆک و ناوچە شاخاویەکان بە گشتی.

هاوکات کەشناسی دەڵێت شەپۆلە بارانبارینەکەی سبەی چوارشەممە بەهێزە و بڕێکی باش باران دەبارێت، هەروەها ماوەی سێ رۆژ کاریگەرییەکانی بەردەوام دەبێت.

پلەکانی گەرما لە رۆژی چوارشەممەدا بەشێوەیەکی بەرچاو و بەرێژەی 2 تا 4 پلە نزم دەبنەوە.

بەرزترین پلەکانی گەرمای پێشبینیکراو لە رۆژی چوارشەممەدا بەم شێوەیە دەبێت:
هەولێر : 16
سلێمانی : 17
دهۆک : 15
کەرکوک : 18
هەڵەبجە : 17
زاخۆ : 16
سۆران : 14
حاجی ئۆمەران : 8
گەرمیان : 21

قەیوان گروپ

 


مایۆرکا سیتی جوانییەک لە دڵی سروشتدا