پلاسخارت دەست لەکار دەکێشێتەوە

پۆڵەتیك پرێس:

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

شەوی رابردوو، نێردەی تایبەتی نەتەوە یەکگرتووەکان لە عێراق رایگەیاند کە پێشبینی دەکات لە مانگی ئایاری ئەمساڵ دەست لەکاربکێشێتەوە و ووتی “دۆخی عێراق خەیرکە لەدەست دەردەچێت”.

جێنین هێنیس پلاسخارت، نێردەی تایبەتی نەتەوە یەکگرتووەکان لە عێراق راپۆرتی وەرزانەی خۆی لەبارەی دۆخی عێراق و هەرێمی کوردستان خوێندەوە و رایگەیاند، “دۆخی عێراق خەریکە لە کۆنتڕۆڵ دەردەچێت و پێویستە هەموو لایەنەکان دانبەخۆداگربن لەبەرامبەر ئاڵەنگارییەکان ئەگەر دەیانەوێت وڵاتەکەیان پێشکەوتن و ژینگەیەکی تەندرووستی هەبێت”.

پلاسخارت لەبارەی دۆخی هەرێمی کوردستان باسی مووچەی فەرمانبەرانی هەرێمی کوردستانی لەبەردەم ئەندامانی ئەنجوومەنی ئاسایشی  نێودەوڵەتی لە نیۆرک کرد و رایگەیاند، “بەهۆی نەناردنی مووچە و بوودجە لە هەرێمی کوردستان، خەڵکی لەبارودۆخێکی خراپدا دەژین”.
پلاسخارت جەختیکردەوە لەوەی کە پێویستە بەگوێرەی یاسای بوودجەی عێراق، پارە بۆ هەرێمی کوردستان بنێردرێت و مووچەی پێ دابینبکرێت.

پلاسخارت لە کۆتایی وتارەکەیدا لە ئەنجوومەنی ئاسایشی نێودەوڵەتی داوای بەخشینی لە پۆستەکەی کرد و سوپاسی گەلی عێراقی کرد کە لە 5 ساڵی رابردوودا هاوکارییان کردووە.

پلاسخارت، وەزیری بەرگریی پێشووی هۆڵەندا بوو، لە ساڵی 2018 لەسەر داوای ئەنتۆنیۆ گۆتیرێز، سکرتێری گشتیی نەتەوە یەکگرتووەکان لە عێراق، وەک نوێنەری تایبەتی نەتەوە یەکگرتووەکان دەستبەکاربوو.