پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
ژمارەیەک لە بەشداربووانی پڕۆژەیەکی نیشتەجێبوون لە هەولێر ئاشکرایانکرد، وەبەرهێنەری پڕۆژەکە هەڵهاتووە و پارەی لێبردوون.
ئەمڕۆ سێشەممە6ی شوبات، لە کۆنگرەیەکی ڕۆژنامەوانیدا، ژمارەیەک لە بەشداربووانی پڕۆژەیەکی نیشتەجێبوون لە هەولێر رایانگەیاند،” پڕۆژەکە لەسەر ڕێگای بەحرکەیە لەساڵی 2021 دەستیپێکردووە، دەبوایە لەماوەی دوو ساڵدا تەواو بوایە و لەساڵی 2023 شوقەکانمان وەربگرتایە، بەڵام تائێستا وەرمانگرتووە و نزیکەی چوار بۆ پێنج دەفتەرمان داوە”.
ئاماژەیان بەوەکرد، “دەڵێن وەبەرهێنەری پڕۆژە هەڵهاتووە، چەندین جار داوامان بەرزکردووەتەوە و گردبوونەوەمان ئەنجام داوە، بەڵام لایەنی پەیوەندیدار وەڵامیان نەبووە و داواکاریمان ئەوەیە ئەنجومەنی وەزیران بۆمان چارەسەر بکات”.
ڕوونیانکردەوە، داوایان بۆ دەستەی وەبەرهێنان بەرزکردووەتەوە و لە وەڵامدا وتویانە لیژنەیان پێکهێناوە و چارەسەری دەکەن، بەڵام تائێستا هیچ چارەسەرێک نەکراوە.
قەیوان گروپ
مایۆرکا سیتی جوانییەک لە دڵی سروشتدا
