سودانی لیژنەیەک بۆ لێکۆڵینەوە لەگەڵ بەرپرسانی ئەمنی پێکدەهێنێت

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

بەفەرمانی سەرۆک وەزیرانی عێراق، لیژنەیەک بۆ لێکۆڵینەوە لەگەڵ بەرپرسانی ئەمنی ئەو ناوچانە پێدەهێنرێت، کە تێیدا هێرشکراوەتە سەر باڵیۆزخانەی ئەمریکا و بارەگای دەزگای ئاسایشی نیشتیمانی عێراق.

بەپێی نوسراوێکی فەرماندەی ئۆپەراسیۆنەکانی بەغدا، کە ئاراستەی وەزارەتی ناوخۆی عێراق کراوە ڕاگەیەندراوە،” گروپە لە یاسادەرچووەکان نیازیان هەیە لە چەند ڕۆژی داهاتوودا دووبارە هێرشبکەنەوە سەر ناوچەی سەوز و باڵیۆزخانەی ئەمریکا لە بەغدا”.

یەحیا ڕەسول، وتەبێژی فەرماندەی گشتی هێزە چەکدارەکانی عێراق ئاشکرایکرد،” بکەرانی هێرشی سەر باڵیۆزخانەی ئەمریکا و بارەگای دەزگای ئاسایشی نیشتیمانی دەکرێن بە پەند بۆ هەر کەسێک بیەوێت یاریی بە ئاسایشی ناوچەکە بکات”.

ئاماژەی بەوەکرد، محەمەد شیاع سودانی، فەرماندەی گشتی هێزە چەکدارەکان لیژنەیەک بەمەبەستی لێکۆڵینەوە لەگەڵ بەرپرسانی ئەمنی ئەو ناوچەیە پێکدەهێنێت، کە هێرشکراوەتە سەر باڵیۆزخانەی ئەمریکا و بارەگای دەزگای ئاسایشی نیشتیمانی لە بەغدا.

ڕوونیکردەوە، لەو ناوچانە کۆمەڵەێک ئەفسەری بەرپرس دراونەتە لیژنەی لێکۆڵینەوە و ئەو کەسانەی کەمتەرخەمییان کردووە سزا دەدرێن، هەروەها ڕێکاری توند بەرامبەر بکەرانی ئەم کردەوەیە دەگیرێتەبەر.

قەیوان گروپ

 


مایۆرکا سیتی جوانییەک لە دڵی سروشتدا