ئاسایشی سلێمانی هۆکاری تەقەکانی شەوی رابردووی ئاشکراکرد

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

ئاسایشی سلێمانی لەبارەی هۆکاری تەقە زۆرەکەی شەوی رابردووی سلێمانی روونکردنەوەیەکی بڵاوکردەوە و رایگەیاند، بەهۆی کێشەی نێوان دوو کەس بووە و یەکێک لە تۆمەتبارەکان دەستگیرکراوە.

سەلام عەبدولخالق، وتەبێژی ئاسایشی سلێمانی رایگەیاند، ئەو دەنگی تەقەکردنەی شەوی رابردوو لە نزیک زانکۆی سلێمانی بیستراوە، لەنێوان دوو کەسدا لەسەر کێشەی پارە شەڕ دروستبووە و لە رووداوەکەدا هیچ گیانلەدەستدان و بریندارێک نییەو یەکێک لە تۆمەتبارەکانیش دەستگیرکراوە.
بەگوێرەی زانیارییەکانی ئاسایش، تەقەکان لە گەڕەکی سەرچنار-ی شاری سلێمانی روویداوە.
وتەبێژی ئاسایشی سلێمانی لەبارەی دەنگۆی ئەوەی تەقە لە درۆن کرابێت رایگەیاند، “تەقە لە درۆن نەکراوە و تەنها لە ‏نێوان دوو كەس شەڕ روویداوە تەقەكانیش هەر بەو هۆیەوە بووە”.‏

درەنگانی شەوی رابردوو دەنگی تەقەیەکی زۆر لە نزیک کەمپی تازەی زانکۆی سلێمانی بیسترا و بووە هۆی درووستبوونی دڵەڕاوکێ لای هاوڵاتییانی شاری سلێمانی.

قەیوان گروپ

 


مایۆرکا سیتی جوانییەک لە دڵی سروشتدا