شەپۆلێکی بارانبارین روو لە هەرێم دەکات و پلەکانی گەرما دادەبەزن

پۆڵەتیک پرێس

لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress

دەستەی کەشناسی هەرێم کەشوهەوای پێشبینیکراوی 48 کاتژمێری داهاتووی ناوچەکانی هەرێمی کوردستانی بڵاوکردەوە.

بەڕێوەبەرایەتیی کەشناسی و بوومەلەرزەزانیی هەرێمی کوردستان رایگەیاند، ئەمڕۆ سێشەممە 5-12-2023، ئاسمان بەگشتی ساماڵ دەبێت و پەڵەهەور دەبێت و لەهەندێک ناوچە دەگۆڕێت بۆ نیمچەهەور، هەروەها پلەکانی گەرما بەجێگیری دەمێننەوە و نزیک دەبنەوە لە تۆمارەکانی دوێنێ دووشەممە.

سەبارەت بە کەشوهەوای سبەی چوارشەممە، دەستەی کەشناسی هەرێم ئاشکرایکرد، سبەی چوارشەممە 6ـی 12ـی 2023، ئاسمان نیمچە هەور دەبێت لەکاتەکانی بەیانی پاشان دەگۆرێت بۆ هەوری تەواو, لە ئەنجامی هاتنی نزمە پاڵپەستۆی لاواز بۆ سەر ناوچەکەمان سەرەتا باران بارین لەسەر بەشێک لە سنووری پارێزگای دهۆک دەست پێ دەکات, پاشان باران بارین بە شێوەی نمە باران لەسەر ناوچە جیاجیاکان دەبارێت، هەروەها پلەکانی گەرما 2 بۆ 3 پلە بەراورد بە تۆمارەکانی ئەمڕۆ نزم دەبێتەوە.

بەرزترین پلەکانی گەرمای پێشبینیکراوی ئەمڕۆ سێشەممە بە پلەی سیلیزی:

هەولێر: 22
سلێمانی: 20
دهۆک: 22
کەرکوک: 24
هەڵەبجە: 21
زاخۆ: 22
سۆران: 17
حاجی ئۆمەران: 15
گەرمیان: 26

قەیوان گروپ

 


مایۆرکا سیتی جوانییەک لە دڵی سروشتدا