بەم خۆراکانە رووبەڕووی نەخۆشییەکانی پایز ببەرەوە

پۆڵەتیک پرێس

لە ئێستادا لە وەرزی پایزداین و ماوەیەکی دیکە دەچینە وەرزی زستانەوە، زۆرجار دابەزینی پلەکانی گەرما توش بوون بە ئەنفلۆنزا و نەخۆشییەکانی دیکە زیاد دەکەن، لەو نەخۆشیانەش کە رەنگە دووچاری مرۆڤ ببن، ڤایرۆسی کۆرۆنا، ئەنفلۆنزا و سەرمابوونە.

بەدەستهێنانی ڤیتامین سی تەنیا لەڕێی میوە و خۆراکەکانی وەک لیمۆ و پرتەقاڵەوە نییە بەڵکو سەوزەواتەکانیش ڤیتامین سی لەخۆدەگرن کە یەکێکە لە هۆکارەکانی زیادبوونی بەرگری لەش دژی پەتا و نەخۆشی.

بەپێی راپۆرتێکی دۆیچە فیلە لە گۆڤاری Fit For Fun، سەوزەوات پایزەی وەک کەلەرم رێژەیەکی زۆر ڤیتامین سی تێدایە.

ئەم سەوزەواتانەی خوارەوە بەشێکن لەوانەی بەرگری لەش لە پایزدا زیاد دەکەن:

١- سپیناخ

سپێناخ یەکێک لەو سەوزانەی دەوڵەمەندە بە ئاسن و مەگنیسیۆم و ڤیتامین بی و ئەو کارۆتینۆیدانەی بەرگری لەش بەهێز دەکەن.

٢- کەلەرمی سور

ئەم جۆرەی سەوزە، بە بۆمبی ڤیتامینەکان هەژمار دەکرێت، بەجۆرێک ٢٠٠ گرام کەلەرمی سور پێویستی لەش بە ڤیتامین سی پڕ دەکاتەوە لە رۆژێکدا.

٣- کاهو

کاهو یەکێکە لەو سەوزانەی دەوڵەمەندە بە ڤیتامین سی و ئەی، فۆسفۆر، کالیسیۆم، ترشی فۆنیک و یۆد.

٤- چەوەندەری سور

چەوەندەر دژە ئۆکسیدی بیتانین “Betanin” لەخۆدەگرێت کە دەبێتە هۆی بەهێزکردنی بەرگری لەش و پارێزگاری لە جەستە دەکات دژی نەخۆشی، هاوکات، دەوڵەمەندە بە ڤیتامین سی و زینک و سیلینیۆم.