بایدن بە ١٤ خاڵ لەپێش ترەمپەوەیە

پۆڵەتیک پرێس

بەپێی راپرسییەکانی NBC News/ WSJ، لەدوای یەکەمین دیبەیتی نێوان دۆناڵد ترەمپ و جۆ بایدن، بە جیاوازی ١٤ خاڵ لەسەر ئاستی نیشتیمانی بایدن پێش رکابەرەکەی کەوت.

ئەمڕۆ میدیاکانی ئەمریکا بڵاویان کردەوە، جۆ بایدن کاندیدی دیموکراتەکان بە ١٤ خاڵ پیش دۆناڵد ترەمپ کاندیدی کۆمارییەکان کەوتووە، ئەو ئەنجامەش لەدوای چوونی سەرۆکی ئەمریکا بۆ وەرگرتنی چارەسەری کۆرۆنا لە نەخۆشخانە دێت.

هاوکات، بەپێی راپۆرتە میدیاییەکان، یاریدەدەرانی ترەمپ هەوڵ دەدەن ئەوە بڵاوبکەنەوە کە نیشانەکانی سەرۆکی ئەمریکا بەهێز نین ئەوەش بە هۆکاری ئەوەی ترەمپ لاواز دەرنەکەوێت یاخود نەخۆشییەکەی وەک بابەتێکی مەترسیدار تەماشا نەکرێت.

پێشتریش، ماڵپەڕی CNN بڵاویکردەوە، دۆناڵد ترەمپ رەخنەی لە شێوازی روماڵ کردنی میدیاکان گرتووە لە بابەتی گواستنەوەیدا بۆ نەخۆشخانە و وتویەتی: زیادەڕەویان کردووە لە هەڵسەنگاندنی مەترسیداری تەندروستیم.