پۆڵەتیک پرێس
لە تێلیگرام یەکەم کەسیت هەواڵەکانت پێدەگات جۆینبە https://t.me/Politicpress
لە پێنجەمین کۆنگرەی یەکێتیی نیشتمانیی کوردستان، ئەندامانی سەرکردایەتیی نوێی یەکێتیی هەڵبژێردران.
بافڵ جەلال تاڵەبانی سەرۆکی یەکێتیی نیشتمانیی کوردستان لەدوای تەواوبوونی پێنجەمین کۆنگرەی یەکێتیی نیشتمانیی کوردستان بۆ کەناڵەکانی راگەیاند وتی: کۆنگرە زۆر بە سەرکەوتوویی کۆتایی بە کارەکانی هێنا و لەماوەی پێنج رۆژی رابردوودا گفتووگۆی زۆر باش لەبارەی پەیڕەوی ناوخۆی حزب کرا.
وتیشی: بەڵین دەدەین رێبازی مام بپارێزین و لەسەر رێبازەکەی بەردەوامبین. لەبارەی هەڵبژاردنی ئەندامانی سەرکردایەتیش بافڵ جەلال تاڵەبانی وتی: بەکۆی دەنگی ئەندامانی کۆنگرە، ئەندامانی سەرکردایەتی هەڵبژێردران، ئەمەش جێی خۆشحاڵییە کە هەموومان پێکەوە توانیمان بەسەربەرزانە لە کۆنگرە بێینە دەرەوە.
لەبارەی رۆڵی یەکێتی سەرۆکی یەکێتی وتی: لە داهاتوودا کۆمەڵانی خەڵکی کوردستان رۆڵ و کاریگەری یەکێتی زیاتر دەبینن و بۆ گەنجانیش دەرگایەکی نوێ دەکەینەوە.
قەیوان گروپ
مایۆرکا سیتی جوانییەک لە دڵی سروشتدا
